BUISSUP HACKATHON ՄԱՍՆԱԿՑՈՒԹՅԱՆ ԿԱՆՈՆՆԵՐ

1. ՊԱՅՄԱՆՆԵՐ ԵՎ ՀԱՍԿԱՑՈՒԹՅՈՒՆՆԵՐ

   Buissup Hackathon-ի (այսուհետ՝ «Հեքըթոն») կազմակերպիչը Հայ գործարարների ասոցիացիան է (այսուհետ՝ «Կազմակերպիչ»), որը զբաղվում է միջոցառման կազմակերպման և անցկացման, ինչպես նաև միջոցառման կազմի և ժյուրիի ձևավորմամբ։

1. Նախագիծ – Հեքըթոնի մասնակից թիմերի աշխատանքի ընթացքում ստեղծված արդյունք:

2. Մասնակից - ֆիզիկական անձ, ով հանդես է գալիս իր անունից և գրանցվել է Հեքըթոնին մասնակցելու կանոններին համապատասխան: Հեքըթոնին մասնակցելու համար յուրաքանչյուր մասնակից պետք է լինի Թիմի անդամ:

3. Թիմ - Մասնակիցների խումբ, որոնք միավորվել են բիզնես նախագիծ ստեղծելու համար: Թիմը ձևավորում է գրանցման ընթացքում կամ Հեքըթոնի շրջանակներում։

4. Մենթորներ - որոշակի իրավասություններ ունեցող մասնագետներ, որոնք խորհուրդատվություն են տրամադրում մասնակիցներին տրված առաջադրանքների վերաբերյալ:

5. Ժյուրի - Հեքըթոնի շրջանակներում Թիմային աշխատանքը գնահատող մասնագետների կազմ, որը ձևավորվում է Կազմակերպչի կողմից:

6. Հաղթող – ճանաչվում է այն ​​թիմը, որի նախագիծը ժյուրիի անդամների գնահատման արդյունքում համարվել է լավագույնը:

   
   

1.  ՀԵՔԸԹՈՆԻՆ ԳՐԱՆՑՎԵԼՈՒ ԿԱՐԳԸ

1. Ինչպես գրանցվել Հեքըթոնին՝

2. Մասնակիցներին Հեքըթոնին գրանցվելու համար անհրաժեշտ է համապատասխան ժամկետում լրացնել Կազմակերպչի վեբկայքում տեղադրված հայտադիմումը

Հայտադիմումը ունի երկու տեսակ՝

• Բիզնես գաղափար - այս տեսակով գրանցվում է այն մասնակիցը (ինչպես նաև իր թիմը), ով ունի բիզնես գաղափար և ցանկանում է իր թիմը համալրել անհարժեշտ մասնագետներով կամ ունի արդեն ձևավորված թիմ
  
• Մասնագետ - այս տեսակով գրանցվում է անհատը, ով ունի հետևյալ մասնագիտացումներից մեկը՝ մարքեթինգի մասնագետ, նախագծի ղեկավար, ծրագրավորող, դիզայներ, տեխնոլոգ, ինժիներ կամ այլ, և պատրաստ է աջակցել Բիզնես գաղափարի իրականացմանը։
  

1. Հեքըթոնի մասնակից է համարվում այն անձը, ով լրացրել է հայտադիմումի գրանցման պարտադիր բոլոր դաշտերը և ստացել մասնակցության հաստատման մասին ծանուցում իր էլ․հասցեին։

1. ՊԱՀԱՆՋՆԵՐ ՄԱՍՆԱԿԻՑՆԵՐԻՆ

1. Մասնակիցներին թույլատրվում է մասնակցել Հեքըթոնին ինչպես անհատական, այնպես էլ թիմով:

2. Մասնակցության չափանիշները՝

3. Մասնակիցները պետք է լինեն 18 տարին լրացած անձինք

4. Յուրաքանչյուր մասնակից կարող է լինել միայն մեկ թիմի անդամ

5. Մեկ թիմում մասնակիցների թիվը սահմանափակ է` ոչ պակաս,քան 1 և ոչ ավելի, քան 4 մասնակից

6. Թիմերի ձևավորման պահից սկսած գաղափարը պատկանում է թիմիբոլոր անդամներին

7. Մասնակիցները պարտադիր պետք է ներկա գտնվեն Հեքըթոնի տարածքում՝

   - ­մարտի 24-ին 16:30 – 21:30

   - մարտի 25-ին 10:00 – 23:00

   - մարտի 25-ի 23:00-ից մինչև մարտի 26-ի 10:00 ընկած ժամանակահատվածում Հեքըթոնի տարածքում ներկա գտնվելը ցանկալի է

   - մարտի 26-ին 10:00 – 21:00

1. ՄԱՍՆԱԿԻՑՆԵՐԻ ՎԱՐՔԱԳԾԻ ԵՎ ՄԱՍՆԱԿՑՈՒԹՅԱՆ ԿԱՆՈՆՆԵՐԸ

1. Լրացնելով հայտադիմումը` Մասնակիցը հաստատում է իր համաձայնությունը Կազմակերպչի կողմից գրանցման ձևում նշված անձնական տվյալների, անձնական տվյալներով ներկայացված փաստաթղթերի, այդ թվում` Կազմակերպչի կողմից նախատեսված գործողությունների կատարման վերաբերյալ ըստ Հայաստանի Հանրապետության օրենսդրության։

2. Գրանցվելով Հեքըթոնին մասնակիցը ազատում է Կազմակերպչին անձնական տվյալների բացահայտման հետ կապված ցանկացած պատասխանատվությունից:

3. Մասնակիցը, գրանցվելով Հեքըթոնին, համաձայնում է լուսանկարվել կամ տեսանյութում նկարվել, ինչպես նաև դրանք օգտագործել մեդիայում գովազդային նպատակներով՝ առանց ժամանակի և ձևաչափի սահմանափակման և առանց այդ նյութերի հետ կապված փոխհատուցման:

4. Մասնակիցը պարտավոր է ունենալ իր սեփական անհրաժեշտ սարքավորումները և ծրագրային ապահովումը ծրագրային արտադրանքի մշակման և դրա ներկայացման համար:

5. Մասնակիցը պարտավոր է պահպանել ընդհանուր կարգը և գործընկերային մթնոլորտը Հեքըթոնի վայրում, հետևել պահանջներին։ Հայհոյական և վիրավորական արտահայտությունների օգտագործումը Հեքըթոնի ընթացքում արգելված է:

6. Հեքըթոնի վայրում ծխելը, բացառությամբ Կազմակերպչի կողմից սահմանված հատուկ սարքավորված տարածքներում ծխելու, արգելվում է:

7. Արգելվում է բաց կրակի, հրավառության, պայթյունի, պիրոտեխնիկական էֆեկտների և նմանատիպ այլ սարքերի, ինչպես նաև կյանքի և առողջության համար վտանգ ներկայացնող գործողություններ կիրառելը:

8. Հեքըթոնի վայրում արգելվում է ցանկացած ալկոհոլային արտադրանքի օգտագործումը, անկախ ծավալից և ուժգնությունից, ինչպես նաև թմրամիջոցների, հոգեմետ կամ նմանատիպ նյութերի օգտագործումը:

9. Արգելվում է կատարել այնպիսի գործողություններ, որոնք կարող են հանգեցնել Հեքըթոնի ընթացքում օգտագործվող տարածքների, կահույքի և սարքավորումների վնասմանը: Նյութական վնասի դեպքում Մասնակիցը պարտավոր է փոխհատուցել վնասի չափը Կազմակերպչին` համաձայն Մասնակցի և Կազմակերպչի լիազոր ներկայացուցչի կողմից կազմված Վնասի հաշվետվության:

10. Հեքըթոնի տարածքում Կազմակերպչի կողմից սահմանված բոլոր կանոնները, ինչպես նաև Հայաստանի Հանրապետության օրենսդրության կանոնները կատարելը պարտադիր է։ Կազմակերպիչը պատասխանատվություն չի կրում Հեքըթոնի անցկացման վայրում մասնակցի գույքի և սարքավորումների անվտանգության համար և խստորեն խորհուրդ է տալիս, որ նրանք ինքնուրույն վերահսկեն իրենց գույքի և սարքավորումների անվտանգությունը:

1. ԿԱԶՄԱԿԵՐՊԻՉԸ ՊԱՐՏԱՎՈՐ Է՝

1. Հեքըթոնի ընթացքում մասնակիցներին ապահովել՝

2. Աշխատատեղ

3. Ինտերնետ հասանելիություն

4. Էլեկտրաէներգիայի հասանելիություն

5. Սնունդ

6. Անվտանգություն

7. Հեքըթոնին մասնակցությունն անվճար է։

1. ՀԵՔԸԹՈՆԻ ԱՄՓՈՓՈՒՄ

1. Հեքըթոնի արդյունքների հիման վրա ժյուրին որոշում է հաղթողներին՝ ամփոփելով նախագծերի ներկայացման ժամանակ տրված բոլոր միավորները։ Արդյունքների հիման վրաբողոքարկումները չեն ընդունվում։

2. Կազմակերպիչը կամ ժյուրին կասկածներ ունենալու դեպքում Նախագծի ստեղծման ժամկետի վերաբերյալ, իրեն իրավունք է վերապահում մերժել Նախագծի ընդունումը գնահատման ընթացակարգին:

3. Հեքըթոնի արդյունքները կամփոփվեն անցկացման վայրում Հաղթողների հայտարարությամբ, որին կհետևի հաղթողների մասին տեղեկությունների տեղադրումը Կազմակերպչի բոլոր հարթակներում:

4. Մրցանակների մասին տեղեկատվությունը տեղադրված է Կազմակերպչի կայքում: Բացի վերանշված մրցանակներից, Կազմակերպիչն իրեն իրավունք է վերապահում պարգևատրել իրենց կողմից ընտրված թիմերին:

5. Կազմակերպիչը պատասխանատվություն չի կրում մրցանակը հաղթող ճանաչված թիմի մասնակիցների միջև բաշխման համար: Մրցանակը բաշխվում է Թիմի անդամների միջև՝ նրանց միջև համաձայնությամբ, ինքնուրույն՝ առանց Կազմակերպչի մասնակցության:

6. Հաղթողի պարգևը, որը ձևավորվել է Հեքըթոն-ի կազմակերպչի կողմից, այն է՝Buissup Global Forum 2023-ին մասնակցելու հնարավորություն, շրջանցելով հայտադիմումների դիտարկման գործընթացը։

Գրանցման համար սեղմեք այստեղ։