Ստանդարտներն ու թվայնացումը բիզնեսում

Նոյեմբերի 20

14:00

Նոյեմբերի 20-ին “ExportPro” նախագծի շրջանակում տեղի ունեցավ «Ստանդարտներն ու թվայնացումը բիզնեսում» թեմայով գործարար միջոցառում

Գործարար միջոցառման մասին

Միջոցառման նպատակն էր քննարկել Հայաստանում մատակարարման շղթայի արդի իրավիճակն ու հիմնախնդիրները, ինչպես նաև ներկայացնել ստանդարտացման, գործընթացների ավտոմատացման և թվայնացման արդի գործիքակազմերը՝ որպես մրցունակության խթանման և աճի արագացման արդյունավետ ուղի։

Միջոցառումը բաղկացած էր ոլորտային շնորհանդեսներից, պանելային և «ԵռաTalk» ձևաչափով քննարկումներից:

Ոլորտի փորձագետները ներկայացրեցին մատակարարման շղթայի կառավարման միջազգային լավագույն փորձը, արդի լուծումներն ու վերջին միտումները, իսկ մատակարարման շղթայի կառավարման ոլորտում հաջողած ընկերությունները կիսվեցին ստանդարտացման և թվային գործիքների ներդրման միջոցով իրենց կազմակերպությունների աշխատանքի արդյունավետության բարձրացման հաջողության։

Ովքեր են ներկա գտնվել՝

Միջին և խոշոր արտահանող/ներկրող ընկերություններ, որոնք նախատեսում են բարելավել մատակարարման շղթայի աշխատանքն ու արդյունավետությունը կամ ներդնել թվային գործիքներ,
Պահեստավորման լուծումներ առաջարկող ընկերություններ,
Թվային լուծումներ առաջարկող ընկերություններ,
Լոգիստիկ ընկերություններ,
Ընկերությունների սեփականատերեր, գործադիր կամ օպերացիոն տնօրեններ, մատակարարման շղթայի, լոգիստիկ, արտադրության և գնումների ղեկավարներ, ընկերությունների թվային փոխակերպման պատասխանատուներ: