UHI - interview with co-founders Armen and Narine Shahinyan

Author

Armenian Businessmen Association

22.09.2024

«Uhi», շատ բազմիմաստ և հետաքրքիր անվանում է, որն ամեն մարդ մի կերպ է ինտերպրետացնում։ Կպատմեք մի փոքր, որտեղի՞ց է ծնվել այդ մտահաղացումը։

- Բրենդի անվան մասին հարցերը միշտ շատ են հնչում: Քանի որ ես և Նարինեն մինչև ՈՒՀԻ-ն հիմնելը ունեցել ենք մի քանի զարդերի արտասահմանյան բրենդեր, մեզ համար առաջնային էր, որ մեր նոր բրենդը ծառայի Հայաստանին և հայույիներին:

Բրենդը կոչել «Հայուհի» շատ հասարակ կլիներ, ուստի Արմենը որոշեց վերցնել ՈՒՀԻ վերջածանցը և անվանել մեր նորաստեղծ բիզնեսը «ՈՒՀԻ»:

Զարդերի շուկան Հայաստանում բավականին հագեցած է, և մի շարք հայտնի բրենդեր, որոնք մրցակցային մթնոլորտ են ստեղծում։ Ի՞նչպես կարողացաք այդքան կարճ ժամանակում Ձեր հստակ տեղը զբաղեցնել շուկայում։

- Այս հարցը ևս շատ են տալիս մեզ՝ որպես 2 տարում սեփական ոտքերի վրա ամուր կանգնած բրենդ: Այո՛, շուկան հագեցած է, Հայաստանում կան շատ մեծ ոսկերչական գործարաններ, տաղանդավոր վարպետներ, խոշոր ապրանքանիշներ, բայց, երբ դու ասելիք ունես և ուրույն ոճ, անմիջապես հայտնվում ես բոլորի ուշադրության կենտրոնում: Մեր հաջողության գաղտնիքը մեր աշխատասիրությունն էր, Արմենի տաղանդը, յուրահատուկ ոճը որն ՈՒՀԻ-ն ներմուծեց շուկա և, իհարկե, մեր սիրելի հաճախորդների սերն էր, որ մեզ մինչև օրս պահում է առաջատարի դիրքում:

«Uhi» զարդերը տարբերվող և օրիգինալ կոնցեպտ ունեն։ Գիտենք, որ Ձեր ամուսինն է զարգերի հեղինակը։ Հետաքրքրիր է որտեղից են ծնվում մտքերը։

- Արմենն արդեն մոտ 15 տարի է ինչ աշխատում է զարդերի ոլորտում, միշտ ուսումասիրում է միջազգային շուկան և ի տարբերություն ինձ, սիրում է շատ էքսպերիմենտներ անել: Զարդագործության շուկան շատ արագ է զարգանում և թրենդները արագ փոխարինում են մեկը մյուսին, Արմենի նպատակն է հայ վարպետների անունը Հայաստանում և միջազգային շուկայում բարձր պահել: Իսկ խենթ գաղափարները ծնվում են ամեն մանրուքից, բնությունից, սիրուց, մարդկանցից: Մնում է այդ ամենը համադրել վերջին թրենդների հետ և օրիգինալ գործը պատրաստ է:

Կնկարագրեք «Uhi»-ն 10 տարի հետո։ Արդյո՞ք ունեք համաշխարհային ապրանքանիշ դառնալու ամբիցիա։

- Նարինեի հետ «Uhi»-ն հիմնելուց մեծ սպասումներ չունեինք, թե մեր շուկայից, թե արտասահմանյան, իսկ այսօր մեր համար 1 նպատակն է «Uhi»-ն դարձնել համաշխարհային մակարդակի ապրանքանիշ: 10 տարվա մասին չեմ կարող խոսել, բայց 1-2 տարի անց «Uhi»-ն անճանաչելի է դառնալու, բոլորը, նույնիսկ այն մարդիկ ովքեր չէին հավատում մեր հաջողություններին, հպարտանալու են մեզնով: