Նորությունների դայջեսթ ստարտափների աշխարհից
Picsart-ը ընդգրկվել է աշխարհի 20 լավագույն հավելվածների ցանկում և ճանաչվել է որպես լուսանկարների խմբագրման թիվ 1 հավելված:
data.ai կազմակերպության State of Mobile 2023 նոր զեկույցում Picsart-ը ընդգրկվել է աշխարհի լավագույն 20 հավելվածների շարքում՝ լինելով առաջատարը լուսանկարների և տեսանյութերի խմբագրում անվանակարգում:
Իսկ ահա SoloLearn հայկական ստարտափը ընդգրկվել է WeAreTeachers-ի 12 տարեկանից բարձր երեխաների համար նախատեսված լավագույն 20 ուսումնական հավելվածների ցանկում:
SoloLearn-ը ծրագրավորման ուսուցման հայկական բջջային հավելված է։ Ընկերության հավելվածները սովորեցնում են ծրագրավորում, այս պահին հավելվածն օգտագործում են ավելի քան 60 միլիոն օգտատեր:
Հայկական Zangi հավելվածը հարավամերիկյան տարածաշրջանի ամենահայտնի մեսենջերների ցանկում զբաղեցրել է 4-րդ տեղը՝ առաջ անցնելով Signal-ից եւ Viber-ից:
Լավագույն եռյակում են Whatsapp-ը, Telegram-ը և Messenger-ը: Zangi-ն տարածվում է նաև Հյուսիսային Ամերիկայում, արաբական աշխարհում և ասիական տարածաշրջանում, - հայտնել է ստարտափի հիմնադիր Վահրամ Մարտիրոսյանը։
