Daroink-ն արդեն 25 տարի է Հայաստանյան շուկայի սիրված ապրանքանիշերից է և արտադրում է 200-ից ավելի ապրանքատեսակ։ Ինչպե՞ս է հաջողվում պահպանել արտադրանքի կայուն բարձր որակը, հաշվի առնելով, որ հիմնական սպառողները երեխաներն են։
- Ընկերությունն իր ստեղծման օրվանից որդեգրել է մի քաղաքականություն, որն է՝ արտադրել անվտանգ և բարձր որակի քաղցրավենիք ընտանիքի յուրաքանչյուր անդամի համար։ Կայուն բարձ որակի ապահովումն ու նվիրական աշխատանքն էլ հիմք է հանդիսացել, որ ապրանքանիշը դեռ մանկությունից մինչ օրս յուրաքանչյուր օր ուղեկցում է իր հավատարիմ սպառողներին։ Բարձր որակի կայուն պահպանման պատճառը հիմնադիրների, ինչպես նաև ընկերության յուրաքանչյուր աշխատակցի ամենօրյա նվիրական աշխատանքի արդյունք է։ Ընկերության համար միշտ առաջնային է եղել ոչ թե շահույթ հետապնդելը՝ այլ բարեխիղճ աշխատանքը և սպառողին բարձր որակի սննդամթերքով ապահովելը։ Բարձր որակի գրավականն է հանդիսանում նաև հատընտիր հումքի ընտրությունը, վերջին սերնդի սարքավորումներով զինվելը, բարձր որակի փաթեթավորման նյութերի օգտագործումը։
Ի՞նչ ռազմավարություններ է կիրառում Daroink-ը՝ միջազգային շուկաներ դուրս գալու համար, և ինչպե՞ս է հայկական սփյուռքը ազդում այդ պրոցեսներում։
- Ընկերությունը միայն Հայաստանի շուկայով չի բավարարվում և ակտիվ գնում է դեպի սպառման շուկաների ընդլայնմանը։ Այս պահին ակտիվ աշխատանքներ են տարվում Daroink-ը ներկայացնելու նաև այլ երկրներում։
Այդ հարցում, մեզ համար շատ կարևոր է Սփյուռքից եկած արձագանքը։ Այլ երկրներում բնակվող մեր հայրենակիցները իրենք են դիմում մեզ, խնդրելով ապահովել այնտեղ Daroink-ի ներկայացվածությունը, քանի որ ապրելով այլ երկրներում՝ էմոցիոնալ խորը կապ ունեն մանկությունից եկած Daroink-ի քաղցրավենիքների հանդեպ։ Դա մեզ տալիս է հստակ ազդակներ, որ տվյալ երկրներում պահանջարկ կա և կարելի է դիտարկել դրանք արտահանման ուղղությունները ուսումնասիրելիս։ Daroink-ն այսօր ներկայացված է 5 երկրում։ Ուրախությամբ կարող եմ նշել, որ այս պահին զուհագեռ բանակցություններ ենք վարում հավելյալ 8 պետությունների ներկայացուցիչների հետ՝ մեր ապրանքանիշն այդ երկրներում լայնածավալ ներկայացնելու շուրջ։
Այժմ մշակվում են նաև նոր ապրանքային խմբեր, որոնք կբավարարեն թե միջազգային, և թե տեղական շուկայի պահանջները։