Ի՞նչ մտավախություններ ունեք B2C շուկա մուտք գործելու հետ կապված, որ մինչ այժմ դա չեք իրականացրել, հատկապես՝ հաշվի առնելով, որ մեր հասարակությունն ունի մեծ սուրճի սպառում։
- Մենք ի սկզբանե դիրքավորել ենք մեզ որպես պրեմիում սեգմենտի բրենդ և ներկայացնում ու արտադրում ենք պրեմիում սեգմենտի ապրանքանիշեր։ Արդեն ունենք տեսականի, որը շուտով հասանելի կլինի նաև ցանցային սուպերմարկետներում։ Սկզբում B2C շուկան չէինք ընտրել, քանի որ ունեինք այն արտադրական ռեսուրսները, որոնք բավարար էին B2B շուկան ապահովելու համար։
Ո՞ր դիրքն է սուրճը զբաղեցնում համաշխարհային շուկայում, և ինչո՞վ է պայմանավորված վերջին շրջանում սուրճի թանկացումը։
- Սուրճը վերջին մի քանի տարիների ընթացքում դարձել է աշխարհի ամենավաճառվող ապրանքներից մեկը՝ նավթից անգամ առաջ անցնելով։ Տվյալների համաձայն, սուրճի թանկացումն կապված է գլոբալ տաքացման հետ. միայն այս տարի մի քանի միլիոն տոննա սուրճի բերք չի աճել, ինչն էլ առաջացրել է գների կտրուկ աճ։
Ո՞ր ուղղությամբ եք պատրաստվում զարգանալ, և արդյո՞ք նախատեսում եք ընդլայնել տեսականին։ Ունե՞ք արտահանման պլաններ։
- Ի սկզբանե, մեր ընկերությունը ստեղծելիս մենք նախատեսել ենք հիմնականում արտահանում իրականացնել։ Հայաստանի շուկան շատ փոքր է, և գրեթե բոլոր տեղական գործընկերների հետ արդեն համագործակցում ենք։ Արտահանումը կարևոր է, որպեսզի տեղական արտադրությունը կարողանա դիմանալ։ Առաջին փուլով պլանավորում ենք մուտք գործել արաբական շուկա, որտեղից մեծ հետաքրքրություն կա։ Ներկայումս արդեն սուրճի պատվերներ ունենք Սաուդյան Արաբիայից, Արաբական Էմիրություններից, Օմանից և Եմենից, և պատրաստվում ենք սկսել արտադրությունը։
Արտադրությունն ամբողջությամբ իրականացվում է Հայաստանում. սուրճի հումքը ներմուծում ենք կանաչ հատիկների տեսքով, իսկ բովումը, փաթեթավորումն ու մնացած գործընթացները կատարվում են տեղում։